Gjykata Supreme e Kosovës ka anuluar vendimin e Këshillit Prokurorial për shkarkimin e Besim Kelmendit nga detyra e ushtruesit të kryeprokurorit.
Supremja vlerësoi se vendimi i Këshillit Prokurorial ishte i kundërligjshëm dhe i pa bazë ligjore, duke shkelur dispozitat e Ligjit për Përgjegjësinë Disiplinore të Gjyqtarëve dhe Prokurorëve dhe Kodin e Etikës Profesionale.
Sipas Gjykatës Supreme, procesi i shkarkimit kishte shkelje proceduriale të rëndësishme, duke përfshirë ndryshime të rendit të ditës, votime dhe procedime të paqarta, gjë që e bën vendimin arbitrar dhe kontradiktor.
Ky vendim rikthen Kelmendin në pozitën e tij si ushtrues i detyrës së kryeprokurorit dhe nënvizon rëndësinë e respektimit të procedurave ligjore në vendimet disiplinore.
