Myftiu i Kosovës, Naim Tërnava, ka uruar besimtarët myslimanë me rastin e Fitër Bajramit, duke theksuar rëndësinë shpirtërore të muajit të Ramazanit.
Ai u shpreh se kjo festë përfaqëson kulmin e përkushtimit dhe një moment reflektimi për paqe, solidaritet dhe përgjegjësi shoqërore.
Sipas tij, Bajrami është simbol i bashkimit dhe humanizmit, duke ftuar qytetarët të ndihmojnë ata që janë në nevojë dhe të forcojnë lidhjet familjare e shoqërore.
Tërnava theksoi se mesazhi kryesor i kësaj feste mbetet paqja dhe dinjiteti njerëzor, veçanërisht në një kohë sfidash globale.
