Deputeti i Partisë Demokratike të Kosovës, Xhavit Haliti, ka kërkuar zbatimin e menjëhershëm të vendimit të Gjykatës Kushtetuese të Kosovës lidhur me dekretin e presidentes Vjosa Osmani për shpërbërjen e Kuvendit.
Ai theksoi se partitë duhet të angazhohen për të arritur konsensus për zgjedhjen e presidentit, duke shtuar se përgjegjësia kryesore bie mbi Lëvizjen Vetëvendosje dhe liderin e saj, Albin Kurti.
Megjithatë, Haliti u shpreh i zhgënjyer me vendimin, duke e cilësuar dekretin e Osmanit si të padrejtë dhe në kundërshtim me parimet demokratike. Ai paralajmëroi se, në mungesë të marrëveshjes, vendi mund të shkojë sërish në zgjedhje.
