Kryetarja e Kuvendit të Kosovës, Albulena Haxhiu, deklaroi se seanca për zgjedhjen e presidentit nuk është mbyllur, por vetëm ndërprerë, duke theksuar se për këtë çështje nevojiten diskutime serioze ndërmjet grupeve parlamentare.
Haxhiu nënvizoi rëndësinë e vullnetit të të gjitha palëve politike dhe theksoi se për të zgjedhur presidentin nevojiten së paku 80 vota, ndërsa Vetëvendosja ka vetëm 66. Ajo bëri thirrje për kontribut serioz dhe bashkëpunim për të shmangur zgjedhjet e reja.
Gjithashtu, kryetarja njoftoi mbledhjen e Kryesisë së Kuvendit të hënën, ku do të trajtohen projektligje të rëndësishme dhe do të vazhdohet përpjekja për konsensus në zgjedhjen e presidentit.
