Nënkryetari i Aleancës për Ardhmërinë e Kosovës, Pal Lekaj, ka deklaruar se partia e tyre do të hyjë në zgjedhje për të fituar dhe nuk diskutohet në strukturat e AAK-së nëse do ta kalojnë pragun.
Ai kritikoi qeverinë e kryeministrit Albin Kurti, duke thënë se ajo ka vepruar për interesat e partisë dhe jo të shtetit, duke përjashtuar LDK-në dhe PDK-në nga marrëveshjet paraprake dhe duke monopolizuar tri pozitat kryesore: kryeministrin, kryetarin e Kuvendit dhe presidentin.
Lekaj akuzoi gjithashtu qeverinë për korrupsion dhe menaxhim të dobët të projekteve infrastrukturore, përfshirë tenderë një-burimorë dhe vonesa në ndërtimin e autostradave. Ai theksoi se AAK-ja nuk do të përgjigjej pozitivisht në ndonjë ftesë takimi nga Kurti.
