Kryetari i Partisë Demokratike të Shqipërisë, Sali Berisha, deklaroi se Shqipëria nuk ka arritur të përmbushë kriteret lidhur me raportin IBAR në procesin e integrimit në Bashkimin Evropian.
Duke folur për zhvillimet në Portin e Durrësit, ai tha se vendet anëtare kanë zhvilluar disa takime, por ende nuk kanë pranuar as raportin e ndërmjetëm për Shqipërinë, duke shtuar se janë paraqitur kushte të reja.
Berisha akuzoi Edi Ramën për korrupsion, duke pretenduar se kjo po ndikon drejtpërdrejt në vonesat e procesit të integrimit.
Ai gjithashtu kritikoi aktivitetet politike të Ramës në terren, duke i cilësuar ato si përpjekje për të mbrojtur qeverisjen e tij përballë kritikave.
