Deputeti gjerman, Peter Beyer, u ka bërë thirrje partive politike në Kosovë që pas zgjedhjeve të angazhohen për bashkëpunim dhe stabilitet institucional.
Ai vlerësoi pjesëmarrjen e qytetarëve në procesin zgjedhor dhe kërkoi që liderët politikë të tregojnë përgjegjësi në fazën paszgjedhore. Sipas Beyer, vendi ka nevojë për koordinim më të madh ndërmjet partive për të shmangur bllokadat politike.
Ai theksoi rëndësinë e zgjedhjes së Kryetarit të Kuvendit dhe Presidentit, duke shprehur besimin se institucionet do të formohen dhe do të funksionojnë në interes të qytetarëve dhe të perspektivës evropiane të Kosovës.
