Policia e Kosovës ka publikuar raportin 24-orësh mbi gjendjen e sigurisë dhe trafikut në vend. Sipas statistikave zyrtare, gjatë kësaj periudhe është shënuar një aksident trafiku me fatalitet, 20 aksidente me persona të lënduar dhe 20 aksidente me dëme materiale. Po ashtu, policia ka shqiptuar 2,421 tiketa trafiku për shkelje të rregullave në komunikacion. Në kuadër të aktiviteteve policore janë arrestuar 17 persona, prej të cilëve 9 janë dërguar në mbajtje, ndërsa 3 persona janë në vuajtje të dënimit. Nuk është raportuar asnjë person në ndalim policor gjatë kësaj periudhe. Policia apelon te të gjithë pjesëmarrësit në trafik që të respektojnë rregullat e komunikacionit për të parandaluar aksidentet dhe për të rritur sigurinë në rrugë.
