Në oborrin e një xhamie në Prishtinë është zhvilluar një ceremoni me rastin e 250-vjetorit të Pavarësisë së Shteteve të Bashkuara të Amerikës, ku është ngritur flamuri amerikan në shenjë nderimi dhe mirënjohjeje.
Organizatori i aktivitetit, Labinot Maliqi, ka theksuar se kjo ceremoni është shprehje e respektit dhe falënderimit për SHBA-në, duke e cilësuar atë si mik të dëshmuar dhe mbështetës të Kosovës.
Në fjalimin e tij, ai ka vlerësuar rolin e Shteteve të Bashkuara në mbështetjen e lirisë, paqes dhe shtetndërtimit të Kosovës, duke theksuar rëndësinë e mirënjohjes dhe kujtesës historike.
Ai gjithashtu ka theksuar se vlerat e lirisë dhe besimit janë pjesë e rëndësishme e mesazhit të kësaj ceremonie simbolike.
