Aleanca Kosovare e Bizneseve (AKB) ka reaguar ndaj deklaratave që, sipas saj, kanë përmbajtur gjuhë fyese dhe përçmuese ndaj prodhuesve vendorë.
AKB ka kundërshtuar etiketimin e prodhuesve me terma politikë, duke theksuar se ata janë kontribuues të rëndësishëm në ekonominë e vendit.
Sipas AKB-së, prodhuesit krijojnë vende pune, paguajnë tatime, investojnë dhe kontribuojnë në mirëqenien e qytetarëve.
Organizata u ka bërë thirrje partive politike që të mos i përdorin bizneset dhe prodhuesit në përplasjet politike, duke theksuar se ata kanë të drejtë të protestojnë dhe të kërkojnë institucione funksionale.
AKB ka deklaruar se do të vazhdojë t’i mbrojë prodhuesit vendorë ndaj çdo gjuhe denigruese, pavarësisht përkatësisë politike të personave që bëjnë deklaratat.
