Komandanti i Komandës Rajonale-Perëndim (RC-W) të KFOR-it, koloneli Giuseppe De Blasi, priti në Kampin Villaggio Italia drejtorin e Qendrës Rajonale të OSBE-së në Pejë/Peć, Cristiano Barale.
Gjatë takimit u diskutua për situatën e sigurisë në zonën e përgjegjësisë së RC-W, çështjet që prekin qytetarët e rajonit dhe mundësitë për forcimin e bashkëpunimit ndërmjet institucioneve.
De Blasi theksoi rëndësinë e koordinimit dhe bashkëpunimit të vazhdueshëm mes KFOR-it dhe partnerëve ndërkombëtarë për çështjet me interes të përbashkët.
