Kryeministri i Shqipërisë, Edi Rama, ka deklaruar se Bordi i Transparencës nuk vendos çmime arbitrare për karburantet, por monitoron tregun me qëllim parandalimin e abuzimeve. Sipas tij, çmimet e derivateve reflektojnë lëvizjet në bursat ndërkombëtare, ndërsa roli i bordit është të vendosë kufij tavan për të mbrojtur konsumatorët dhe për të siguruar furnizim të qëndrueshëm në treg.
Aktualisht, tavani i çmimit për naftën është caktuar në 218 lekë për litër, ndërsa për benzinën në 181 lekë për litër. Këto çmime tashmë kanë hyrë në fuqi dhe po aplikohen në tregun vendas.
