FC Barcelona ka paraqitur një ankesë zyrtare në UEFA lidhur me gjykimin në ndeshjen çerekfinale të Ligës së Kampionëve ndaj Atlético Madrid.
Klubi katalanas pretendon se në të dyja përballjet janë marrë disa vendime që nuk kanë qenë në përputhje me rregullat e lojës, duke theksuar edhe mungesën e ndërhyrjes së duhur nga sistemi VAR në raste kyçe.
Sipas Barcelonës, këto gabime kanë ndikuar drejtpërdrejt në rrjedhën e ndeshjes dhe në rezultatin përfundimtar, duke i shkaktuar klubit dëme sportive dhe financiare.
Përmes ankesës, Barcelona ka kërkuar nga UEFA përmirësim të sistemit të arbitrimit, me qëllim garantimin e një zbatimi më të drejtë dhe transparent të rregullave në garat evropiane.
