Shishet plastike përdoren gjerësisht për ujë dhe shpesh rimbushen disa herë në familjet shqiptare. Megjithatë, ekspertët paralajmërojnë se kjo praktikë mund të paraqesë rrezik për shëndetin.
Sipas specialistëve, shishet plastike mund të përmbajnë substanca kimike si Bisfenoli A (BPA), të cilat mund të çlirohen në ujë, sidomos kur shishja ekspozohet në nxehtësi. Po ashtu, përdorimi i përsëritur rrit mundësinë e grumbullimit të baktereve, veçanërisht në grykën e shishes, e cila është e vështirë të pastrohet plotësisht.
Ekspertët këshillojnë shmangien e ripërdorimit të shisheve plastike njëpërdorimshe dhe rekomandojnë përdorimin e shisheve të qelqit ose enëve të dedikuara për përdorim afatgjatë, për të mbrojtur shëndetin dhe mjedisin.
