Kapiteni i Turqisë, Hakan Çalhanoğlu, ka marrë përgjegjësinë për dështimin e kombëtares në Botërorin 2026 dhe u ka kërkuar falje tifozëve.
Turqia u eliminua nga Grupi D pas humbjeve ndaj Australisë dhe Paraguajit, ndërsa fitorja 3-2 ndaj SHBA-së në ndeshjen e fundit nuk mjaftoi, duke e mbyllur grupin në vendin e katërt me vetëm tri pikë.
Mesfushori i Interit ka thënë se zhgënjimi është i madh, pasi skuadra kishte ëndërruar të përfaqësonte vendin në mënyrën më të mirë në Botëror dhe të jepte krenari për tifozët.
Ai ka theksuar se si kapiten mban përgjegjësinë kryesore për rezultatin dhe ka pranuar se kritikat e tifozëve janë pjesërisht të justifikuara, duke shtuar se ekipi nuk arriti të përmbushë pritjet.
Çalhanoğlu ka dërguar edhe një mesazh shprese, duke thënë se futbolli nuk ka të bëjë vetëm me fitore, por edhe me aftësinë për t’u rikthyer pas zhgënjimeve.
