Të dhënat për vitin 2025 tregojnë diferenca të mëdha në performancën eksportuese mes Ballkanit Perëndimor dhe vendeve si Sllovenia e Austria.
Gjashtë shtetet e Ballkanit Perëndimor (Serbia, Bosnja dhe Hercegovina, Maqedonia e Veriut, Shqipëria, Mali i Zi dhe Kosova) kanë realizuar së bashku rreth 49.5 miliardë euro eksporte, me rreth 17 milionë banorë, që përkthehet në rreth 2,970 euro eksport për banor.
Në të njëjtën periudhë, Sllovenia ka eksportuar rreth 72.05 miliardë euro me 2.2 milionë banorë, ose rreth 33,800 euro për banor, ndërsa Austria rreth 197 miliardë euro me 9.2 milionë banorë, ose rreth 21,400 euro për banor.
Sipas krahasimit, Sllovenia eksporton mbi 11 herë më shumë për banor se mesatarja e rajonit, ndërsa Austria rreth 7 herë më shumë.
Ekspertët theksojnë se dallimet lidhen me strukturën ekonomike, pasi Austria dhe Sllovenia dominohen nga industri me vlerë të lartë të shtuar si makineria, automobila, farmaceutika dhe teknologjia, ndërsa vendet e Ballkanit Perëndimor mbështeten më shumë në prodhim me përpunim të ulët, lëndë të para dhe industri me intensitet të lartë pune.
