Ministri në detyrë, Andin Hoti, ka njoftuar themelimin e Grupit Punues për hartimin e Programit për Mbrojtjen e Konsumatorëve të Cenueshëm për periudhën 2026–2027.
Sipas tij, ky program do të përcaktojë kriteret, procedurat dhe masat që synojnë mbështetjen e qytetarëve në nevojë, në përputhje me ligjet dhe standardet përkatëse.
Hoti ka theksuar se qëllimi është krijimi i politikave më të qëndrueshme dhe sigurimi i një qasjeje më të drejtë në shërbime dhe mbështetje institucionale për konsumatorët e cenueshëm.
