Deputetja e LDK-së, Janina Ymeri, ka kritikuar Qeverinë lidhur me kontrollet e fundit ndaj furrave dhe bizneseve të vogla.
Ajo ka ngritur shqetësime edhe për kontrollin e cilësisë së grurit të importuar, duke pretenduar se rreth 1.6 milionë kilogramë grurë janë futur në vend pas vetëm dy mostrave.
Ymeri ka argumentuar se vëmendja e institucioneve duhet të jetë më e madhe te cilësia dhe çmimi i grurit, ndërsa ka shprehur dyshime se aksioni ndaj furrave është i orientuar kryesisht ndaj bizneseve të vogla.
Deputetja ka akuzuar Qeverinë për standarde të dyfishta dhe ka kërkuar më shumë transparencë lidhur me kontrollet e produkteve ushqimore.
