Banka Qendrore e Republikës së Kosovës (BQK) ka hapur thirrjen për çmimin vjetor që vlerëson shkrimet dhe raportimet më të mira gazetare për sektorin financiar gjatë vitit 2026.
Çmimi synon të promovojë gazetarinë cilësore në fushën e ekonomisë, me fokus në sistemin financiar, përfshirë bankat, sigurimet, pensionet, gjithëpërfshirjen dhe inovacionin financiar.
Në garë mund të përfshihen punimet e publikuara ose të transmetuara nga 1 janari deri më 30 shtator 2026, në media të shkruara, online, radio apo televizion.
Punimet duhet të dorëzohen në format elektronik ose të shtypur, së bashku me lidhjen e publikimit. Afati i dorëzimit është i përcaktuar sipas kushteve të thirrjes së BQK-së.
Çmimi ndahet çdo vit më 15 nëntor, në Ditën e themelimit të Bankës Qendrore të Republikës së Kosovës.
