Sot u inaugurua zyrtarisht Qendra për Ndërtimin e Kapaciteteve në Pylltari në Parkun Kombëtar të Blinajës—një hap i rëndësishëm për forcimin e sektorit të pylltarisë në Kosovë dhe mbrojtjen e mjedisit.
Me mbështetjen e Bashkimit Evropian dhe Suedisë, dhe të zbatuar nga Organizata e Ushqimit dhe Bujqësisë, qendra e renovuar do të shërbejë si një qendër trajnuese—duke ndihmuar profesionistët e pylltarisë të planifikojnë, menaxhojnë, monitorojnë dhe mbrojnë pyjet, me synim sigurimin e qëndrueshmërisë së mjedisit dhe burimeve natyrore të Kosovës.
Për të mbështetur punën e Agjencisë së Pyjeve të Kosovës, BE-ja dhe Suedia ofruan gjithashtu:
8 automjete të reja terreni, Pajisje GPS, Kamera,Drone, Pajisje për menaxhimin e zjarreve.
“Kjo nuk ka të bëjë vetëm me pajisje e infrastrukturë—bëhet fjalë për ndërtimin e aftësive dhe sistemeve të nevojshme për mbrojtjen e burimeve natyrore, luftimin e ndryshimeve klimatike dhe sigurimin e një të ardhmeje më të gjelbër për të gjithë”-thuhet në njoftim.
