Izraeli ka deklaruar se çarmatosja e Hezbollahut në Liban mbetet një objektiv strategjik dhe se kjo do të arrihet përmes kombinimit të mjeteve ushtarake dhe diplomatike.
Ministri izraelit i Mbrojtjes, Israel Katz, ka thënë se operacionet mund të vazhdojnë nëse situata në terren nuk ndryshon dhe se Izraeli do të reagojë ndaj çdo sulmi nga territori libanez.
Ai paralajmëroi gjithashtu se mungesa e përmbushjes së detyrimeve nga qeveria e Libanit mund të çojë në vazhdimin e operacioneve ushtarake.
Deklaratat vijnë pas hyrjes në fuqi të një armëpushimi mes palëve, i cili megjithatë është shoqëruar me incidente të izoluara në kufi.
Ndërkohë, pritet që në Uashington të zhvillohen bisedime të reja mes përfaqësuesve të Libanit dhe Izraelit, në përpjekje për të ulur tensionet në rajon.
