Presidenti Donald Trump ka rikthyer argumentin për ndërtimin e sallës së madhe në Shtëpinë e Bardhë, duke thënë se ngjarja me të shtëna në Washington Hilton gjatë Darkës së Korrespondentëve “nuk do të kishte ndodhur” me masat e reja të sigurisë që ai po planifikon.
Në një postim në Truth Social, Trump tha se projekti i sallës së re përfshin standarde të larta sigurie, përfshirë mbrojtje kundër dronëve dhe xhama antiplumb, duke e cilësuar atë si të domosdoshëm për ngjarje të mëdha shtetërore.
Ai theksoi se salla, që po ndërtohet në ambientet e Shtëpisë së Bardhë, do të jetë një hapësirë më e madhe dhe më e sigurt për organizimin e eventeve zyrtare.
