Kryeministri i Kosovës, Albin Kurti, qëndroi sot në pjesën veriore të Mitrovicës, ku zhvilloi takime dhe aktivitete të ndryshme zyrtare.
Sipas raportimeve lokale, Kurti, së bashku me kryetarin e Mitrovicës së Jugut dhe ministrat Elbert Krasniqi e Xhelal Sveçla, vizitoi familjen Haradinaj në ndërtesat e “Tri Solitereve”.
Vizita u bë përkujtimore, pasi një anëtar i familjes kishte humbur jetën më 8 prill 2012 nga një shpërthim në apartamentin e tij.
Më pas, kryeministri mori pjesë në përurimin e zyrës së re të Administratës Tatimore të Kosovës në Mitrovicën e Veriut, në një objekt ku deri kohët e fundit funksiononin strukturat paralele serbe. Ky hap pritet të përforcojë praninë institucionale të shtetit dhe ofrimin e shërbimeve tatimore për qytetarët e kësaj zone./rtk/
